សេចក្តីថ្លែងការណ៍របស់ស្ថានទូតអាមេរិកនៅភ្នំពេញ ស្តីពីការបង្វែរថវិកានៃគម្រោងព្រៃឡង់បៃតង របស់ទីភ្នាក់ងារជំនួយអាមេរិក USAID
នៅថ្ងៃទី១៧ ខែមិថុនា ឆ្នាំ២០២១ ស្ថានទូតអាមេរិកប្រចាំនៅកម្ពុជា បានចេញសេចក្តីថ្លែងការណ៍មួយស្តីពីការបង្វែរថវិកានៃគម្រោងព្រៃឡង់បៃតង របស់ទីភ្នាក់ងារជំនួយអាមេរិក USAID។ ក្នុងសេចក្តីការណ៍របស់ខ្លួន ស្ថានទូតអាមេរិកបានបង្ហាញការព្រួយបារម្ភចំពោះស្ថានភាពការកាប់បំផ្លាញព្រៃដែលនៅតែបន្តកើតឡើងច្រើននៅក្នុងតំបន់ការពារដែនជម្រកសត្វព្រៃព្រៃឡង់ ជាទីដែលទីភា្នក់ងារជំនួយអាមេរិក USAID បានចំនាយធនធានថវិកាជាង ១០០លានដុល្លារ លើកម្មវិធីមួយចំនួន ដើម្បីប្រយុទ្ធប្រឆាំងនឹងបញ្ហាទាំងនេះ។ នៅមានបញ្ហាកង្វល់ផ្សេងទៀតពាក់ព័ន្ធនឹងបទល្មើសព្រៃឈើ សត្វព្រៃ និងកិច្ចសហការរបស់រដ្ឋាភិបាល ដែលមិនត្រូវបានដោះស្រាយ។ សហរដ្ឋអាមេរិកបានសំរេចបញ្ចប់ជំនួយដល់ស្ថាប័នរដ្ឋាភិបាល នៅក្រោមគម្រោងព្រៃឡង់បៃតង ដែលទ្រទ្រង់ដោយទីភ្នាក់ងារជំនួយអាមេរិក USAID ហើយជំនួយរបស់អាមេរិកនឹងត្រូវបានបង្វែរទៅជួយវិស័យឯកជន សង្គមស៊ីវិល និងការងាររបស់សហគមន៍មូលដ្ឋាន ដើម្បីកែលម្អមុខរបរប្រកបជីវភាពរស់នៅ និងពង្រឹងកសិកម្ម ដែលមិនប៉ះពាល់បរិស្ថាន។
តំណរភ្ជាប់ទៅសេចក្តីថ្លែងការណ៍ ៖ http://ow.ly/LamN50Fcahd
ស្ថានទូតអាមេរិកប្រចាំនៅកម្ពុជា
